|
Red Bull & Stone?
So one of di new
favorite in di bar is Red Bull & Stone, a mixture of
the popular energy drink Red Bull and Jamaican Stone
Ginger Wine. Di young bwoy dem swear by it seh it
give dem stamina fi di whole night. But genklemen
as a big man mek me inform unu. Some a dem tings
deh is the same tings weh mek unu cant perform in di
fust place. No wanda spice and all dem oder oman dj
and mix up Angela she a call unu 3 minute man.
Mek mi explain dis.
What u eat and how u take care a you body is far
more important dan what kinda liquor unu drink or
wat unu find fi greese unu machine. Nuf man a
bleach a night every night a di week an a go every
pan weh nack an drink beer till morning come. All
dat du a give unu big gut an low performance
especially wen unu nah eat right an exercise unu
body. All dem junk food unu a eat a nah eat di
steam fish and okra or drink di peanut porridge a it
a help kill unu strength. Mi a 54 year old an till
a gwan betta dan nuff a unu young boy.
Tek my foolish advice as
mi gran daddy use to seh and change unu eating
habits. Unu fi eat good food instead dem damn
hamburger and French fries and instead a drink up di
whole heapa beer and soda all di time blend up some
peanut porridge or some baba roots. Steam some fish
or vegetable and put strength inna unu body. Unu
need fi go out an run some ball and stretch unu
muscles a evening time an mek sure unu get good
sleep for once di machine tap wok di gal dem ago
call unu 3 minute man and all manner of oder
foolishness weh mi nuh support. An if unu fall offa
shape unu fi go docta go check it out to instead a
sidung and gwan like unu shame for dat nah go help
needa. For if the gun nah fire a must something
wrong wid it. |
